За првото тримесечје од 2013-та година профитот на Фејсбук (facebook.com) се зголемил за 38 проценти или на 1.46 милијарди долари. Чистата добивка ја сочинуваат 219 милиони долари, што е за 14 милиони повеќе во однос на истиот период од 2012-та година. Поголемиот профит се должи на зголемените приходи од објавување на реклами.
Меѓу најголемите компании кои се рекламираат на Фејсбук се производителите на мобилни телефони како што се Еjпл, Самсунг и Нокиа. Добри приходи традиционално обезбедуваат и хардверските компании, главно прозводители на лаптопи.
Покрај позитивните податоци за финансиската состојба на Фејсбук, аналитичарите истакнуваат дека најголемата социјална мрежа продолжува да не ужива доверба особено меѓу инвеститорите.
Цените на акциите на компанијата, кои беа пуштени на берзата во мај минатата година, не покажуваат позитивна динамика. Стагнацијата на хартиите од вредност Фејсбук продолжува веќе неколку месеци.
