Напаѓачот на ПСЖ, Златан Ибрахимовиќ откри дека ќе го напушти францускиот клуб по крајот на сезоната 2012/13. Според гласините во италијанските медиуми, шведскиот репрезентативец ќе се врати во Јувентус.
„Ќе бидеме шампиони на Франција, а на крајот на сезоната ќе си заминам“, изјавил категорично Златан Ибрахимовиќ.
Темпераментот на напаѓачот изгледа не е по вкусот и на парижаните, па поради тоа тие нема да прават проблеми за неговата продажба.
31-годишниот фудбалер премина во ПСЖ во текот на летото во 2012-та година. За речиси една година во францускиот клуб Ибрахимовиќ одигра 41 натпревари, во кои реализираше 32 погодоци.
