Роман Абрамовиќ ќе мора на Реал Мадрид да му плати 12 милиони фунти доколку сака да го доведе Жозе Мурињо на „Стемфорд Бриџ“.
Мурињо кој минатото лето го потпиша својот нов четиригодишен договор со „кралевите“ вметна откупна клаузула чија вредност изнесува 12 милиони фунти.
Португалскиот стратег со претседателот Флорентино Перез имаше џентлменски договор дека може да си замине без оштета доколку дојде до титлуата во Лигата на Шампионите. Но бидејќи тоа не се случи, сега Челзи ќе мора да преговара со Реал околу неговата продажба.
Навивачите на тимот од Мадрид се убедени дека Мурињо на крајот од сезоната ќе го напушти клубот, а во анкетата која беше организирана за тоа прашање од 32.000 гласачи дури 82 проценти гласало за таа опција.