Компанијата „Volkswagen“ го претстави официјално купе-седан „Arteon“, кој ќе го замени моделот „Passat CC“ во палетата на брендот. Автомобилот е изграден врз основа на осмата генерација на „Passat“, а ќе биде прикажан пред публика на автомобилскиот саем во Женева. Продажбата стартува во текот на летото.
Димензиите на возилото се должина 4862 мм (со 95 мм повеќе од седанот), ширина од 1871 мм (+39 мм) и висина од 1427 мм (+29 мм). Растојанието помеѓу двете оски е 2841 мм (+50 мм). Волуменот на багажникот е 563 литри, а при навалување на задните седишта се зголемува до 1557 мм.
Дизајнот на „Arteon“ речиси целосно се повторува со концептниот претходник „Sport Coupe GTE“ прикажан во 2015-та година, а серискиот модел се разликува по оптиката, лесните промени во аеродинамиката и рачките на вратите.
Ентериерот е идентичен со оној на осмата генерација на „VW Passat“, а единственото признание е екранот на мутлимедијалниот систем. Во основната опрема „Arteon“ располага со круз-контрол, електрично регулирање на предните седишта, кожен волан и аудио.
За доплата клиентот добива проекциски дисплеј и целосно дигитален Инструмент панел, 9,2-инчен дисплеј на мултимедијалниот комплекс и функција за управување со гестови.
„VW Arteon“ се потпира и на голем број современи системи за безбедност и помошници на возачот, меѓу кои адаптивен круз-контрол и системот „Emergency Assist“. Со него возилото автоматски запира во метеж, ако возачот изгуби контрола.
Во палетата мотори на моделот влегуваат 3 бензински и 3 дизел агрегати. Првите се претставени од 1,5-литарски мотор со 148 КС и 2.0-литарски „TSI“ со 188 и 276 КС.
Дизелите се 2,0-литарски, а развиваат 148, 188 и 236 КС. Погонот е на предните тркала, но се нуди и систем 4х4. Менувачите се 6-брзински мануелен или 7-степен „DSG“.