Модификацијата со четири врати на „BMW Series 1“ излегува на кинескиот пазар со цени почнувајќи од 204.800 јуани или 28.100 евра. Главните конкуренти на моделот ќе се „Audi A3 Sedan“ и „Mercedes-Benz CLA“. За споредба, моделот на „Audi“ чини 26.200 евра, а најприфатливиот седан во палетата на „Mercedes“ чини 33.900 евра.
Седанот „Series 1“ ќе се произведува во кинеската фабрика на заедничката компанија на „BMW“ и „Brilliance“ и ќе биде базиран на платформата „UKL“. Кабината е долга 4456 мм, широка е 1803 мм и е висока 1446 мм. Меѓуоскиното растојание ќе се простира на 2670 мм.
Новиот модел ќе се нуди со два бензински мотори: трицилиндарски 1.5-литарски турбо со моќност од 136 КС и 2.0-литарски турбомотор со 4 цилиндри и две варијанти на моќност – 192 КС и 231 КС. Основниот мотор работи во комплет со 6-брзински автоматски менувач, додека дволитарскиот мотор е опремен со 8-степен автоматски менувач.
Во листата на опрема кинеските клиенти на „BMW Series 1“ може да добијат „LED“ фарови, „head-up“ централен дисплеј, мултимедијален систем со 8.8-инчен екран на допир, задна камера, асистент за паркирање, стаклен панорамски покрив, систем за контрола на лентата за движење, како и технологија за избегнување на фронтален удар.
Потсетуваме дека седанот „BMW Series 1“ дебитираше во есента минатата година на автомобилскиот саем во Гуангжу, Кина. Од германската компанија тогаш најавија дека седанот е наменет исклучиво за кинескиот пазар. Неодамна, сепак, прототип на „BMW Series 1“ со четири врати беше забележан во близина на седиштето на „BMW“ во Минхен, што значи дека не е исклучено да го видиме и на некој од европските пазари.
