После рестилизираните купе варијанти, „Ford“ и го прикажа на јавноста редизајнираниот „Mustang“ со отворен покрив.
Американскиот производител ги објави првите фотографии од „Mustang“ кабриолет за 2018 година. Моделот со отворен покрив претрпел исти козметички промени како и купе верзијата.
Редизајнираниот автомобил има преобликувани фарови, нов преден браник и рестилизирана маска на ладилникот, која е сега нешто поширока. Позади, рестилизацијата е подискретна и ги вклучува стоп светлата и дифузорот на долниот дел од браникот, додека „GT“ верзијата добила нов, поголем спојлер.
Како и кај купето, промените ја опфатиле и моторизацијата, па така „Ford“ од понудата ја исфрли верзијата со 3.7 литраски„ V6“ агрегат. Задржана е варијантата „2.3 EcoBoots“, како и „5.0 V8“, кој сега може дополнително да се нарача во комбинација со нов десетобрзински автоматски менувач. Што се однесува до мануелниот менувач, исто така е унапреден.
„Ford“ воедно додаде дополнителна сила во „V8“ агрегатот, но не откри со колку коњски сили овој мотор ќе располага во иднина.
Кога станува збор за „EcoBoots“ единицата, таа ќе развива нешто поголем вртежен момент отколку досега.
