Екипата на Интер е во потрага на нови инвеститори, а според информациите кои пристигаат од Италија, „нероазурите“ би можел да ги најдат во Казахстан.
Првиот човек на Интер, Масимо Морати ги потврди шпекулациите дека бара нови извори на финансирање.
Како еден од луѓето кој би можел да внесе капитал во клубот се споменува Булат Утемуратов. Педесетипетгодишниот Казахстанец се наоѓа на листата на најбогати луѓе во светот, благодарејќи на своите бизниси со рудници, банки и хотели.
Тој веќе се наоѓа во светот на спортот, имено тој е претседател на тениската федерација на Казахстан. Неговото богатство се проценува на 2.2 милијарди евра.
