Баер Леверкузен потврди дека со Челзи ги започнале преговорите за трансфер на напаѓачот, Андреа Ширле.
Леверкузен на име на овој трансфер би требало да заработи 25 милиони евра, а на позајмица во германскиот клуб најверојатно ќе пристигне белгискиот интернационалец, Кевин де Бруин.
„Можам да потврдам дека нашите претставници моментално се наоѓаат во Лондон, но во овој момент се уште немаме потпишано договор“, изјави Мајнолф Шпринк.
На преговорите во Лондон заминале спортскиот директор Руди Фелер и менаџерот Михаел Рашке.
Инаку Ширле во досегашната сезона одигра 38 средби за Леверкузен и постигна 12 голови во сите натпреварувања. Тој за селекцијата на Германија дебитираше во 2010-та година, а досега за „панцирите“ одигра 22 средби и даде седум голови.