Главно сите го сакаме вкусот на оцетот, особено како прелив во салатите. Па слободно можеме да заклучиме дека оваа намирница се користи како засилувач на вкусот и никогаш нема главна улога. Се до овој момент…
Имено, јаболковиот оцет е на добар пат да стане најголемото откритие оваа есен. Зошто: Затоа што оцетот на бројни начини му користи на нашето здравје – од тоа што ни помага при варењето и циркулацијата, до тоа дека ја регулира киселината во желудникот. Консумирањето на оцет е добро дури и за белите дробови.
Не е чудо што се поголем број на луѓе се трудат овој напиок да го направат „попиток“. Со додатоците од овошје и шеќер се обидуваме да го приближиме до овошниот вкус. Со додатоците ѓумбир, каенски бибер и куркума, си овозможуваме благодети за нашето здравје.
Кога би требало да го консумирате овој чудесен напиток? Најдобро е да пиете една чаша веднаш штом се пробудите со цел да го поттикнете варењето и да ги отстраните токсините од телото. Доколку не сте некој утрински тип – редно време е да станете.