Новата генерација на најдолгиот „MINI“ автомобил доби најмоќна, „John Cooper Works“ верзија со 231 ks.
Кога во 2015-та година „MINI“ го претстави новиот „Clubman“, на купувачите им беше понудена целосно нова концепција на овој, некогаш реалтивно мал автомобил, кој беше специфичен по т.н. „splitdoor“ задни врати.
Автомобилот сега е значително подолг, а доби и нов пар на класични задни врати.
Пред парискиот авто-саем, понудата на новиот „Clubman“ ќе биде заокружена со „John Cooper Works“ верзијата, која има четирицилиндарски 2.0-литарски турбо бензинец.
Моторот произведува 231 ks (170 kW) и развива 350 Nm максимален вртежен момент, а пристигнува во комбинација со мануелен шестбрзински менувач или осумстепен автоматски.
Моќта се пренесува на сите 4 тркала, преку системот на „MINI“ – „ALL4“, а возилото од место до „стотка“ забрзува за 6,3 секунди, додека максималната брзина изнесува 236 km/h.