Доколку барате максимално луксузен автомобил, кој ќе го привлече вниманието на сите, „Emperor“ може да биде токму вашиот избор. Моделот е базиран на новиот „Mercedes-Maybach 600“, но е тотално преработен од работилницата „Scaldarsi Motors“.
Канадските тјунери се потпираат на богатство, кое вклучуваат дури надворешни и внатрешни компоненти од 24-каратно злато. Клиентите можат да избираат исто така меѓу 24 вида егзотична кожа за кабината, 24 бои за ентериерот, 78 вида природно дрво и 16 бои за надворешноста.
Меѓу додатоците во кабината е присуството на инфо-забавниот систем за задните седишта кои имаат уште масивна конзола, посебна климатизација, масички, минибар, фрижидер, дури и кристални чаши.
Надворешноста е исполнета во склад со името на моделот – „Emperor“ (Император). Однадвор гледаме сосема нова предница со масивна решетка, браник со поголеми отвори за воздух, како и напредни браници, различни прагови и голем број на компоненти кои наместо хром се позлатени. Единствени се исто така тркалата, а сите амблеми „Mercedes-Maybach“ се заменети со „Scaldarsi“ и „Emperor“.
Канаѓаните не се задоволиле само со визуелните промени. Под хаубата на автомобилот тие поставиле V12 мотор со зафатнина од 6,3 литри. Тоа сосема не е стандарден мотор на „Mercedes-Maybach 600“. Преработен е од „Brabus“, кој е познат од моделите „Rocket 900 – S65“, „SL65“ и „G65“.
Агрегатот развива 900 КС и 1500 Нм, што овозможува забрзување од место до 100 км/ч за 3,7 секунди.
„Scaldarsi Motors“ ќе понуди точно 10 примероци од својот „Emperor“. Цената на секој еден од автомобилите започнува од 1,5 милиони долари.
„Emperor“ е само почеток од цела серија слични возила. По него „Scaldarsi Motors“ ќе го претстават „Emperor II“, за кој како основа ќе се користи „Mercedes-AMG S65 Coupe“. Малку потоа ќе го видиме „Emperor III“ (Bentley Bentayga), „Emperor IV“ (Mercedes-AMG G65), како и „Emperor V“, кој ќе претставува модификација на „Bugatti Chiron“.
