Експертите од германската агенција „focus2move“ ги објавија резултатите од своето истражување за најдобро продаваните модели во светот за првите 6 месеци од 2016-та година. Лидер продолжува да е „Toyota Corolla“, а веднаш зад него е „VW Golf“. Во првата тројка сепак влегува „Ford F-Series“, кој надмина друг модел на марката – „Focus“.
За 6-те месеци од почетокот на јануари до крајот на јуни, од „Corolla“ се продадени 634.000 примероци, што е намалување од 1,2%. Пад во продажбата забележа и „VW Golf“ чиј резултат е малку над 500.000 единици – 1,8% помалку од истиот период за 2015-та година. Кај „F-Series“ сепак зголемувањето е за 12,6% до 478.384 примероци, додека „Focus“ исто така оствари пад со цели 16,4% (367.479 нови возила).
Топ 10 според продажбата:
Со најголемо зголемување за првото полугодие меѓу првите 100 на табелата можат да се пофалат кинескиот „GAC Trumpchi GS4“ (+ 809,4% до 150.795 возила), „Hyundai Tucson“ (+ 202,4% до 285.060 примероци) и „Jeep Renegade“ ( + 154.1% до 127.211 возила).
