Британија е земја во која многу се води сметка за традицијата. Автомобилската индустрија не е исклучок, а тоа може да се види на дизајнот на моделите на неколкуте преостанати оргинални авто-брендови, меѓу кои е и „Bristol“.
Поминаа седум денцении од основањето на британската компанија „Bristol Cars“ и пет години, откако овој производител на луксузно, рачно направени автомобили беше спасен од банкрот.
Обновата на компанијата е одбележана со лансирањето на нов модел – „Bullet“.
Спортскиот двосед со отворен покрив е дизајниран во ретро стил, но каросеријата на возилото е изработена од јаглеродни влакна, додека моторот води потекло од „BMW“ (иако е изработен во работилницата на „Bristol“).
Станува збор за 4.8 литарски „V8“ со 370 ks. Со тежина од околу 1.100 kg, „Bullet“ добива сосема доволно моќ од место до „стотка“ да забрза за само 3.8 секунди, додека максималната брзина изнесува 250 km/h.
Ретро изгледот на автомобилиот не треба да залажува, затоа што новите сопственици на располагање ќе имаат мултимедијален систем со екран чувствителен на допир, дигитално радио, можност за поврзување со смартфон уред, „Bluetooth“, „WiFi“ конекција…