„Jeep“ започна со финалните тестови на обновената верзија на кросоверот „Grand Cherokee SRT“. На фотографиите кои ги објави „Autocar“, возилото е без никаква камуфлажа. Се очекува возилото да се појави на пазарите во почетокот на 2017-та година.
Спортскиот кросовер добил нови браници, различна маска на ладилникот, други отвори за воздух и „LED“ светла, дифузер и издувниот систем со 2 крајни цевки. Погонот на теренецот е доверен на 6,2-литарски бензински мотор, чија моќ ќе надминува 500 КС. Во комбинација со 8-брзински автоматски менувач, „Grand Cherokee SRT“ ќе забрзува од 0 до 100 км/ч за околу 5 секунди.
Од компанијата потврдија и за развојот на уште помоќна верзија на „Grand Cherokee“, која ќе се вика „Trackhawk“. Премиерата на автомобилот е закажана за јули 2017-та година, а во моментов таа исто така се тестира активно по патиштата во САД.
Овој автомобил ќе добие 6,2-литарски „HEMI V8“. Истиот агрегат се наоѓа во „Dodge Charger SRT Challenger“ и „Hellcat“. Моќноста на моторот е 707 КС, а максималниот вртежен момент достигнува 880 Нм. Моторот исто така ќе се комбинира со 8-степен автоматски менувач, кој ќе овозможува забрзување од 0 до 100 км/ч за околу 3 секунди. Максималната брзина на кросоверот ќе биде 300 км/ч.