Во фабриката на „Volkswagen“ во американскиот град Чатануга, Тенеси, беше составена првата каросерија на целосно новиот кросовер на брендот со седум седишта. Тест примерокот ќе биде искористен за поставувања и други испитувања, а самото производство на моделот ќе стартува до крајот на годината.
Засега од германскиот производител не откриваат како ќе се вика новиот автомобил, а го нарекуваат само „Midsize SUV“ (средноразмерен кросовер). Сепак се знае се дека теренецот е изграден на продолжената модуларна платформа „MQB“, а ќе добие 4 и 6 цилиндраски турбомотор.
Изгледот на автомобилот ќе биде во стилот на концептот „Volkswagen CrossBlue“ кој беше претставен пред публиката на автосаемот во Детроит во 2013-та година. Во оваа пролет во САД неколку пати беа видени делумно камуфлирани прототипови на новиот модел.
Предвидено е кросоверот со 3 реда седишта да се појави на пазарот во САД во почетокот на 2017-та година. Целта е моделот успешно да се натпреварува со „Toyota Highlander“ и „Nissan Pathfinder“.