„Ball Corp.“ и „Rexam Plc.“, кои се здружуваат за да го формираат најголемиот производител на конзерви за храна и на лименки за пијалоци, се согласија да продадат средства на европската компанија за стакло и метални пакување „Ardagh Group SA“ за 3,42 милијарди долари, пишува „Bloomberg“.
„Ball“ ќе продаде 17 фабрики за конзерви и лименки во САД, Европа и Бразил, како и други фабрики, соопшти компанијата со седиште во градот Брумфил, Колорадо. Средствата кои ќе бидат продадени, генерираа приходи од 3 милијарди долари во 2015-та година.
„Ardagh“ плаќа 9,1 пати добивката пред камати, даноци, амортизација и оштета во износ од 375 милиони долари.
Европската унија одобри оценување на 4,4 милијарди фунти (6,4 милијарди долари) за купување на британската „Rexam“ од страна на американската „Ball“, откако компанијата се согласи да продаде 12 фабрики на Стариот континент, за да ги отфрли сомнежите за монопол.
„Apollo Global Management“, „Blackstone Group LP“ и „Madison Dearborn Partners“ беа меѓу потенцијалните купувачи кои се наддаваа за средствата кои би можеле да донесат 4 милијарди долари.
„Ball“ очекува да заврши стекнување на „Rexam“ до крајот на јуни.
Двете компании кои се даватели на услуги на „Coca-Cola“ и „Anheuser-Busch InBev“, имаат над 20% удел на пазарот. Најблискиот конкурент – „Crown Holdings“, има 19%.
„Goldman Sachs & Co.“ ја советува компанијата за продажба на средствата, додека „Greenhill & Co.“ е водечки советник за стекнување на „Rexam“.
