Холандскиот производителот на спортски автомобили се врати во Женева на „голема врата“ со моделот „C8 Preliator“.
По неколку бурни години, при што во еден момент се најде на работ на банкрот, „Spyker“ на женевскиот автосaем се појави со нов автомобил. Доколку дизајнот ви се чини препознатлив тоа е затоа што „C8 Preliator“ е заснован на моделот „C8 Alerion“ од 2009-та.
Многу стилски детали, како на надворешноста, така и во внатрешноста се превземени од постариот „Spyker“, па со тоа се продолжува традицијата со истакнување на авијатичарското наследство на компанијата од времето на Првата светска војна кога произведувале авиони и авионски мотори.
За називот на новиот модел е одбрано името „Preliator“, кое означува „борец“ или „воин“.
Под хаубата се наоѓа моторот на „Audi“ со 4.2-литри „V8“ кој развива 525 ks. Во понудата се два вида на преносни системи – шестбрзински мануелен менувач и „ZF“ автоматик со ист број на степени на пренос.
