Претседателот и мнозински сопственик на фудбалскиот клуб Интер од Милано, Ерик Тохир, поради финансиски загуби размислува да го продаде клубот, пишува весникот Gazzetta dello Sport.
Индонезискиот бизнисмен на чело на Интер застана во октомври 2013 година, кога откупи 70 отсто од акциите кои ги поседуваше Масимо Морати. По две ипол години, Тохир, поради финансиски загуби е подготвен да го продаде клубот, откако не успеал да најде инвеститори.
Тохир за акциите на Морати му плати 350 милиони евра. Покрај Интер, Тохир е косопственик во фудбалскиот клуб ДЦ јунајтед и во кошаркарскиот клуб Филаделфија 76.
