Први фотографии на обновеното семејство „V40“ покажа шведската марка „Volvo“. Модернизацијата влијае најмногу на надворешноста на моделите, но новини се откриваат исто така во ентериерот и под капакот.
Обновените „V40“ и „V40 Cross Country“ го покажаа новиот препознатлив дизајн на „Volvo“. Тој е видлив во предниот дел, каде што се интегрирани познатите од „XC90“, „S90“ и „V90“ светла со „LED“ потпис во форма на чекан. Промени има исто кај решетката на ладилникот, додека задниот дел изгледа речиси аналогно со досегашниот.
Компанијата исто така подготви 5 нови бои за каросеријата и нова палета на тркала.
Релативно блага е модернизацијата и во кабината на „V40“ и „V40 Cross Country“ каде се појавиле нови опции, тапацир и декоративни елементи. Меѓу додатоците се издвојува климата „CleanZone“ која го прочистува воздухот кој влегува во патничката кабина.
Што се однесува до палетата на мотори, таа останува речиси непроменета. Исклучок прави само 2,0-литарскиот дизел мотор „D2“, чија верзија со мануелен менувач е доработена и веќе одделува во атмосферата само 89 g/km штетни „CO2“ емисии. Потрошувачката е исто така намалена, но во моментов недостасуваат официјалните податоци.
Сите детали за новите „V40“ и „V40 Cross Country“ ќе бидат откриени следната недела во Женева.