Хрватската компанија „Rimac Automobili“ официјално го претстави својот електричен суперавтомобил „Concept One“, чија светска премиера ќе се одржи на почетокот на март на саемот во Женева.
Концептниот модел беше прикажан уште во есента 2011-та година, но серискиот модел не се разликува особено, а од компанијата тврдат дека сите агрегати и елементи на возилото се така дизајнирани што одговараат совршено. Тие се целосно создадени од „Rimac Automobili“, истото важи и за инструментите и машините потребни за изработка на електричниот модел.
„Нашата цел не беше да направиме електрични верзии на веќе постоечки хиперколи, туку да создадеме технологија која ќе ни овозможи создавање на идеално возило. Тој треба да биде брз, привлечен и максимално ефикасен. Со други зборови – целта ни беше да направиме возило на 21-виот век“, изјави Мате Римац, шеф на „Rimac Automobili“.
Машината е создадена на сопствена платформа која овозможува остварување на формулата „тркало – електромотор“. Односно на секое тркало на хрватскиот хиперавтомобил е поставен по еден електричен мотор. Ваквата шема се јавува почесто кај концептуални модели, но е невообичаено решение за сериски автомобил.
Другата уникатна карактеристика е преносот. Стандардните електрични возила ја користат брзината кутија со една брзина. Во случајот сепак Хрватите сторил нешто навистина уникатно – на секое од предните тркала е поставена слична трансмисија, додека во секое од задните е интегриран две брзински менувач со две спојки, позајмено од болидите во Формула 1.
Максималната моќност на „Concept_One“ е 1088 КС, а вртежниот момент достигнува 1600 Нм. Тоа овозможува забрзување од 0 до 100 км/ч за 2,6 секунди. Максималната брзина е повеќе од импресивна за електричен автомобил – 355 км/час, а вкупната маса на машината е 1850 кг.
Од моделот ќе бидат произведени само 8 примероци, а цената засега не се соопштува официјално. Употребата на карбон во конструкцијата, како и на уникатната трансмисија сепак сугерираат дека таа нема да е воопшто ниска. Според експерти минимумот за сличен модел на пазарот ќе биде околу 700.000 евра.
