Брендот „Alpine“, кој е во сопственост на „Renault“, го претстави концептот купе „Vision“. Прототипот претставува предсериски примерок на моделот со кој ревитализираната француска марка се враќа на сцената.
Претставник на компанијата изјави дека во сериската верзија ќе се сместат околу 80% од стилските решенија кои се користат во концептот. Пазарната премиера на автомобилот ќе се одржи во втората половина на 2016-та година, а неговата продажба ќе стартуваат во почетокот на 2017-та година.
Тежината на возилото е 1.100 килограми, моторот е лоциран во средината на шасијата. Од „Alpine“ соопштуваат дека со 4-цилиндарскиот турбо-мотор моделот ќе забрзува од 0 до 100 км/ч за 4,5 секунди. Детали за агрегатот не беа дадени, но речиси сигурно тоа е 1,6-литарски мотор од „Renault Clio RS“, чиј обем ќе биде зголемен до 1,8 литри за моделот на „Alpine“.
Стандардната варијанта на моторот ќе развива моќност од 250 КС. Во подоцнежна фаза треба да се појави и верзија „RS“, при која агрегатот ќе развива околу 300 КС. Помоќниот агрегат ќе го добие и модернизираниот систем за ладење, кој ќе се комбинира со 7-степен автоматски менувач чии брзини ќе можат да се префрлуваат од воланот.
Во кабината на „Alpine“ преовладува контрастот меѓу материјали и бои. Дизајнерите употребиле мешавина на кожа, микрофибер ткаенини, алуминиум и карбон. Пред возачот е лоцирана таблата со инструменти, составена од предмет на индивидуализација со „TFT“ дисплеј.
Двете педали и алуминиумскиот праг за левата нога се карактеризираат со три триаголни обрасци, а алуминиумскиот волан е обликуван со кожа и опкружен со рачките за менување на брзини. Таму е поставено и копчето со кое се стартува моторот.
Цените на „Alpine“ ќе стартуваат од околу 50.000 евра, а главните ривали на моделот на пазарот ќе биде „Audi TT“, „Porsche Cayman“ и „Alfa Romeo 4C“.
