На свеченото отворање на меѓународниот филмски фестивал во Берлин, беспилотниот автомобил Audi A8 L W12 пристигна на црвениот тепих, а со него допатува филмска ѕвезда Даниел Брил.
Лимузината без возач ги пречека познатиот актер и неговата девојка пред нивниот хотел во Берлин и ги превезе до Берлинале Паласт.
Технологијата со врвна сообраќајна платформа употребува истакнати архитектонски објекти по должина на маршрутата како ориентација и ги споредува информациите од претходно утврдената прецизна мапа. Audi A8 L W12 ги синхронизира овие информации со пресметката и податоците добиени од сопствените движења. Оваа споредба му овозможи на VIP возилото да ги помине зададените сообраќајни рути без возач.
„Ние вложуваме во развојот и постојано ги тестираме новите технологии за беспилотно возило во сите услови на патот“, изјави Штефан Книрш, член на управниот одбор за технички развој.
„Ние веќе докажавме дека можеме да создадеме беспилотно возило кое ќе вози на тркачка патека и на автопат. За потребите на филмскиот фестивал „Берлинале“, многу лесно и со максимална прецизност поминавме низ сложениот градски сообраќај“, додаде Книрш.