Четврти роденден на македонскиот весник „Илинден” од Тирана

Пред четири година, како двоброј за март и април, беше испечатено првото издание од весникот на Македонското друштво „Илинден“ од Тирана.

Весникот изминативе две години, предизвика голем интерес кај читателската публика во Република Албанија, но и кај македонската дијаспора ширум светот.

Главниот уредник на весникот Никола Ѓурѓај вели дека бројните дописи, кои пристигнуваат на електронската пошта на редакцијата на македонскиот весник „Илинден“како и од другите преписки со читателите, забележително е дека во двегодишниот период весникот прерасна во медиум кој со сериозноста и пристапот во објавувањето на темите, е интересен и корисен за македонското малцинство во Република Албанија, но и за промоција на активностите на македонската дипломатија во правец на подобрување на животот на македонското население вон границите на својата држава.

Во дел од дописите се истакнува и тоа дека читателите искажуваат особена почит кон редакцијата, која на најдобар можен начин одбра да ја промовира македонштината во овие бурни времиња, преку пишаниот збор. Нивната мисија да го одржуваат и поттикнуваат македонскиот идентитет во Република Албанија, преку културен израз целосно ја остваруваат.