Ревитализираниот „NSX“ веќе се продава во САД за сума од околу 150.000 долари. Првиот произведен примерок од моделот сепак беше продаден за приближно 8 пати повисока сума.
Викнедов на аукцијата на „Barrett-Jackson“ наддавањето за моделот со број на шасија # 001 достигнаа 1,2 милиони долари. Финалниот залог го направи Рик Хендрик, сопственик на тим во „NASCAR“ и поранешен тркач во овие серии.
Хендрик има богата колекција на автомобили, како и повеќето од нив се или првите изданија, или последни. Таквите автомобили се особено барани, а нивната цена расте со секоја измината година.
Меѓу најновите придобивки на Американецот се првиот произведен „Corvette Z06 Coupe“ од 2015-та година (1 милиони долари), првиот „Corvette“ од 2014-та година (1,1 милиони долари), првото „Camaro ZL1“ од 2012-та (250.000 долари ) и последното „BMW M5 – 30 Jahre“ (700.000 долари).
Исто како кај погоре наведените автомобили, платената сума за првата „Acura NSX“ ќе оди за добротворни цели, се наведува во информацијата на аукциската куќа „Barrett-Jackson“.
Втората генерација на „Acura NSX“ која ќе се продава во Европа под брендот „Honda“, користи хибриден погонски агрегат. Во неговата основа е специјално развиен 3,5-литарски твин-турбо „V6“ мотор со 507 КС и 550 Нм. Тој работи со 9-степен автоматски менувач со две спојки, а е помогнат од електромотор со моќност од 47 КС. Погонскиот агрегат располага со уште два електромотори, кои се лоцирани помеѓу предните тркала. Тие се напојуваат од комплет литиум-јонски батерии. Така на крајот хибридниот систем со погон 4х4 – „Sport Hybrid Super Handling All-Wheel Drive“, располага со вкупно 580 КС и 644 Нм.
Сето ова му овозможува на автомобилот, чија вкупна тежина е 1725 кг, да забрзува од 0 до 100 км/ч за околу 3 секунди. Максималната брзина на возилото е 307 км/ч, откриваат од компанијата производител.
Цените на моделот во САД почнуваат од 156.000 долари, а пак примерокот кој е опремен со сите опции чини не повеќе од 205.700 долари.