Вечерва, во Музејот на град Скопје, во 19 часот ќе биде отворена изложбата „Феникс од пепелта. Уништувањето и обновата на Варшава 1939-1955“, којашто е плод на соработка помеѓу Амбасадата на Република Полска во Република Македонија и Музејот на Град Скопје.
Изложбата ќе ја отвори директорот на Музејот Љубен Тевдовски, а обраќање ќе имаат и градоначалникот на Град Скопје, Коце Трајановски, амбасадорот на Република Полска во Република Македонија, Јацек Мултановски и заменик-директорот на Бирото за култура на Град Варшава, Магожата Наимска.
