Американското издание „Consumer Reports“ го прошири годинешниов рејтинг за најдобрите автомобилски брендови во светот. Тој е базирана на повеќе фактори, а втора година по ред лидер е јапонски „Lexus“. На дното пак се рангирани „Ford“, „Dodge“, „Mini“, „Jeep“ и „Fiat“.
Класификацијата е составено преку рангирање, кое се формира од оценките кај патните тестови на моделите на секој производител, како и од средната оценка за сигурноста на машините.
Лидерот „Lexus“ доби вкупен резултат од 78 поени, така што ја имаат и највисоката оценка за сигурност. Однесувањето на моделите на патишта на марката е оценето со 76 поени.
„„Lexus“ се докажува како производител на многу безбедни, тивки и луксузни автомобили“, велат Американците.
Второто место е за „Mazda“ која регистрира вкупен рејтинг од 75 поени. Во категоријата „однесување на патот“, јапонската компанија исто регистрира висок резултат – 76 бода.
„„Mazda“ нуди целосно нова палета на модели. Таквите сосема нови автомобили не ретко страдаат од различни проблеми. Овој бренд сепак е исклучок од правилото“, истакнуваат од „Consumer Reports“.
Првите три се пополнува од уште еден јапонски производител. Тоа е „Toyota“, чиј вкупен резултат е 74 поени. Во категоријата за однесување на патот оценката е 72 поени.
„„Toyota“ се фокусира на конструирањето на солидни и многу безбедни автомобили кои освен тоа се комфорни, пријатни за возење и многу популарни на пазарот“, велат од „Consumer Reports“.
Четвртото место е за „Audi“ кој генерира вкупен резултат од 73 поени. Оценката на германската марка за однесување на патот е цели 81 поен.
„Subaru“ исто така генерира вкупен резултат од 73 поени, но е рангиран на петтата позиција. Причината е се повеќе слабите резултати при патните тестови во споредба со „Audi“ – 73 бода.
Во топ 10 се наоѓаат уште „Porsche“ (70 поедни вкупен резултат и 84 бода за однесување на патот), „Buick“ (69 бода вкупен резултат и 76 поени за однесување на патот), Honda (69 поени вкупен резултат и 71 бод за однесување на патот), „Kia“ (68 бода вкупен резултат и 73 поени за однесување на патот) и „BMW“ (66 бода вкупен резултат и 82 поени за однесување на патот).
„Volvo“ е рангиран на 12-то место, а по него е „Hyundai“. „Volkswagen“ е позициониран на позицијата 15, Nissan на 18, а Mercedes-Benz на место 21.
На дното на листата се „Ford“, „Dodge“, „Mini“, „Jeep“ и „Fiat“, позиционирани соодветно на позиции 24-то, 25-то, 26-то, 27-мо и 28-мо.
Брендови како „Jaguar“, „Land Rover“, „Maserati“, „Mitsubishi“, „Ram“, „Smart“ и „Tesla“ не фигурираат во рангирањето, бидејќи изданието не располага со доволно податоци за да состави оценка, се вели во пораката од „Consumer Reports“.
