Најмалку седум различни модели на „Subaru“ ќе бидат претставени на тунинг саемот во Токио во 2016-та година.
Првиот од нив ќе е „STI Performance Concept“, кој ќе располага со 2,0-литарски 4-цилиндричен турбо мотор, кој се користи во моделите од „Super GT“ шампионатот. Покрај тоа, моделот ќе располага и со подобрена суспензија, сопирачки, екстериер и ентериер.
„STI Concept The Levorg“ исто ќе дебитира на саемот. Надворешноста на моделот ќе биде во уникатна сина боја – „WR Blue Pearl“, а меѓу останатите акценти ќе бидат 18-инчните алуминиумски бандажи, „STI“ амортизери и ентериер во црвено и црно.
Ќе биде претставен и „XV Hybrid Concept STI“, кој ќе биде во бела боја со портокалови акценти однадвор и со портокалово-беж ентериер. Освен тоа Хибридот ќе е опремен и со „STI“ спортски делови.
Освен стандардните модели, од „Subaru“ ќе претстават исто и тркачки автомобили. „BRZ GT300 2016“ ќе земе учество во „Super GT“ трките, а „WRX STI NBR Challenge 2016“ ќе биде насочен кон 24 часа на Нирбургринг.
„WRX STI“ се очекува да биде трет тркачки автомобил, создаден за „Japan Rally Championship“. „CG Robot Racing 2016“ пак е автомобилот со кој „Subaru“ ќе ја завршат серијата.
Автосаемот во Токио ќе биде отворен од 15-ти до 17-ти јануари.
