Македонската филхармонија ќе одржи празничен концерт „NY vs NY“, кој ќе се одржи во четврток, во Домот на АРМ, со почеток во 20 часот.
Солист е извонредниот пијанист од Бугарија, Евгени Божанов, со изведба на популарната „Рапсодија во сино“ од Џорџ Гершвин.
Под палката на маестро Борјан Цанев, концертот „NY vs NY“ ќе ги претстави и „Кубанска увертира“ и „Смешно лице“ од Гершвин, „Приказна од Западната страна“ од Бернштајн, „Медли“ од Дјук Елингтон и „Мачка што игра валцер“, „Blue tango“ и „Плинк, Планк, Плунк“ од Лирој Андерсон.
