Американскиот производител на автомобили „Форд“ има намера да инвестира 4,5 милијарди долари во програма чија цел е во иднина електричните и хибридните возила да сочинуваат 40 отсто од целокупната понуда на оваа компанија на пазарот.
Оваа инвестиција означува раст од 13 отсто во однос на досегашната програма на инвестирање во хибридните и електричните возила.
Со новата програма се предвидува во фабриките на Форд до 2020 година да се развијат 13 различни хибридни и електрични возила.
Покрај програмата за инвестирање, компанијата се пофали и со новиот модел на електричен Форд Фокус, чии батерии по половина час полнење ќе бидат на 80 отсто од капацитетот, што е за два часа побрзо полнење од досегашниот модел.
Кај новиот модел растојанието со едно полнење на батеријата изнесува 161 километар, додека кај стариот изнесуваше 122 километри.
