За најпосакувани партнери жените најлесно ги бираат оние мажи кои имаат музичка или уметничка кариера, додека пак, фудбалерите им се најмалку сексипилни.
Во истражувањето дури 32 проценти од испитаните жени ја одбрале музичката или уметничката кариера како најсексипилна кај мажите.
За 24 проценти, најпосакувани партнери се економистите, менаџерите и финансиските советници, токму поради финансиската сигурност која ја пружаат таквите кариери.
На големо изненадување за истражувачите, најлошо поминаа фудбалерите, бидејќи само еден процент од жените рекле дека таа професија ја сакаат најмногу.
Пред нив на листата се наоѓаат професорите, лекарите и новинарите.
„Висината на платата не е најважниот критериум за посакуваната професија на мажите. Жените, фудбалерите ги доживуваат како суетни, наметливи и себични личности, и попрво би биле со некој кој има нешто подосадна професија“, заклучи авторката на студијата, Роси Фримен Џоунс.
Листа на најсексипилни професии кај мажите
*Музичари и уметници (32 проценти)
*Професии врзани за финансии (24 проценти)
*Професори (13 проценти)
*Лекари (9 проценти)
*Новинари (7 проценти)
*Фудбалери (1 процент)
