Според последните информации „Yahoo“ испратиле понуда да ја купат „Hulu“ – популарната интернет страна на која може да се гледаат серии и филмови.
За потсетување „Yahoo“ неодамна ги купи „Summly“ и „Thumblr“, a интернет страните „Yahoo Weather“ и „Flickr“ доживеаа значајно подобрување. Според информациите кои процурија „Yahoo“ вчера ја доставиле својата понуда, а според истите другите компании кои се заинтересирани за купување на сервисот „Hulu“ се, „Directv“, „Time Warner Cable“, „William Morris Endeavor“, „KKR“, „Guggenheim Digital“ и „The Chernin Group“.
Моментални сопственици на сервисот „Hulu“ се „News Corp“, „Disney“ и „Comcast“, па поради тоа договорот околу цената нема да биде едноставен, затоа што со покрај вредноста на компанијата улога ќе игра и лиценцата. Токму поради неа цената на сервисот се движи од 500 милиони до две милијарди долари.
Како што можевме претходно да се увериме „Yahoo“ нема проблеми со купување на други компании и сервиси, но има потешкотии истите да ги одржи во живот.
