Капитенот на македонската репрезентација и ракометар на Барселона, Кире Лазаров е дел од идеалниот тим на годината во изборот на специјализираниот ракометен поратал handball-planet.
Во конкуренција на Ласло Наѓ, Жарко Марковиќ и Алекс Душебаев, Лазаров доби најмногу гласови на позицијата десен бек.
Во изборот на тимот на годината покрај Лазаров се најдоа уште тројца играчи на актуелниот европски шампион Барселона, ПСЖ е застапен со двајца играчи, а по еден имаат Кјелце и Рајн Некар.
Според handball-planet најдобар играч за 2015 година е Никола Карабатиќ, кој стана првиот ракометар кој ја одбранил титулата. Лазаров со 73 поени се најде на третата позиција зад Хансен со 90, а зад македонскиот репрезентативец во пласманот за најдобар играч беа Генсхајмер со 67 и Шариќ со 59 поени.
Идеалниот тим според handball-planet:
Голман: Даниел Шариќ (Барселона)
Лево крило: Уве Генсхајмер (Рајн Некар)
Лев бек: Микел Хансен (ПСЖ)
Среден бек: Никола Крабатиќ (ПСЖ)
Десен бек: Кире Лазаров (Барселона)
Десно крило: Виктор Томас (Барселона)
Пикер: Хулен Агинагалде (Кјелце)
Најдобар дефанзивец: Виран Мороз (Барселона).