Кошаркарите на МЗТ ја продолжија играчката и резултатската криза, откако во 12.коло во АБА лигата, загубија во Словенија од Тајфун со 68:62 (17:15, 14:17, 18:10, 19:20).
МЗТ против Тајфун го запиша петтиот пораз во низа и сега има скор од четири победи и осум порази, додека Тајфун има една победа повеќе.
На теренот на дебитантот во регионалната лига, во текот на целиот меч се водеше голема борба, а Тајфун единствено во финишот на третата четвртина стигна до двоцифрена предност (47:36).
МЗТ во финишот на мечот стигна до поен негатива но неговите играчи немаа сили за целосен пресврт.
Марко Луковиќ постигна 12 поени за МЗТ, додека Ѓорѓе Дреновац и Душко Буниќ реализираа по 10 кошеви. Тајфун го предводеше Томаш Болчина со 19 поени.
МЗТ во наредното коло на 6.декември ќе ја пречека Цедевита.
