Велика Британија по пауза од 79 години успеа да го освои пехарот во Девис купот. Благодарение на Енди Мари, Британците во Гент славеа над Белгија со 3-1.
Мари, во петокот го доби својот меч во сингл, потоа во саботата со својот брат Џејми триумфираше во игра на двојки, а во неделата Мари го освои третиот поен за Британците откако славеше над Гофан со 3:0 (6:3, 7:5, 6:3).
„Не можев да замислам дека ќе имаме можност да направиме нешто вакво“, рекол 28-годишниот Мари, кој сезонава во Девис купот забележа победа во сите 11 дуели.
