Италијанскиот стручњак Андреа Страмачони е новиот шеф на стручниот штаб на фудбалскиот клуб Панатинаикос, пренесува Sky Sports.
Поранешниот тренер на Интер и Удинезе, со грчкиот тим потпишал договор до 2017-та година, а на кормилото ќе го наследи Јанис Анастасију, кој минатата недела доби спогодбен раскин на договорот.
Страмачони на клупата на Панатинаикос ќе дебитира на 21-ви ноември, кога „зелените“ во големото градско дерби ќе играат против Олимпијакос.
