Фудбалската репрезентација на Нигерија, фудбалери до 17 години, ја одбрани титулата светски првак, на шампионатот чиј домаќин беше Чиле. Нигерија во финалето славеше над Мали со 2:0 и ја освои рекордната петта титула светски првак во оваа возрасна категорија. На патот до трофејот Нигеријците забележаа шест победи и еден пораз, од Хрватска (1:2).
Во африканското финале Нигерија славеше со головите на Виктор Осимхен во 56-та и Фуншо Бамгбоје во 59-та минута. Нигеријците стигнаа до триумфот благодарение на супериорната игра, победата можеше да биде и поубедлива, но Осиначи Ебере во четвртата минута не реализира пенал.
Третото место на Мундијалот за играчи до 17 години го освои Белгија со победата над Мексико од 3:2.
