Четвртата генерација на уредот „HP Chromebook“ е достапна на пазарот, а како што и претходно беше најавено, ќе се продава по цена од 249 долари и повеќе.
Секако, најпримамлив во понудата ќе биде моделот со цена од 280 долари. Оваа верзија на „HP Chromebook 14“ има 4GB RAM и „IPS“ екран со резолуција од 1920 x 1080p, што го прави еден од најпристапните „Chrome OS“ лаптопи со овие карактеристики.
Евтиниот модел во понудата доаѓа со 14-инчен екран со резолуција од 1366 x 768 пиксели и 2GB RAM.
Двата лаптопи поседуваат процесор „Intel Celeron N2940 quad-core Bay Trail“ и 16GB „eMMC flash“ меморија. Уредите имаат поддршка за 802.11ac WiFi, „Bluetooth“, „HDMI“ порт со цела големина, „microSD slot“, два „USB 2.0“ порта и „USB 3.0“ порт. „HP Chromebook 14“ е достапен во „Silver“ и „Sky Blue“ верзии.
