Францускиот фудбалски стручњак Реми Гарде е именуван за нов менаџер на премиерлигашот Астон Вила, објави клубот од Бирмингем.
Гарде потпиша договор до јуни 2019 година, а на клупата на Астон Вила го наследи Тим Шервуд, кој поради лошите резултати минатата недела доби отказ.
Гарде во кариерата бил тренер само на Олимпик Лион, а изминатата година работел како консултант на телевизијата Канал плус.
Астон Вила е последнопласирана на табелата во Премиерлигата со само четири освоени бодови, од десет одиграни натпревари.