Андреа Пенезиќ, левиот бек на Вардар, е прогласена за една од трите најдобри ракометарки во третото коло во Лигата на шампионките.
Пенезиќ, со десет голови, блескаше во убедливата победа на Вардар над дански Митјиланд (33:24).
„Најдобриот стрелец во минатата сезона, одигра според своите стандарди, погодуваше од сите позиции. Кога Пенезиќ е во форма Вардар е еден од фаворитие за титулата во Лигата на шампионите“, се вели во кометарот на ЕХФ.
Покрај Пенезиќ, според ЕХФ, другите две ѕвезди се Аманда Куртовиќ од Ларвик и Зита Шучански од Ференцварош.
