Погледнуваме кон смартфонот да видиме колку е часот, колку степени е темпаратурата надвор, дали имаме нови пораки, што е ново на социјалните мрежи, итн.
Дали всушност сте размислувале колку често погледнувате кон мобилниот уред?
Одговор на ова прашање го дава една нова студија. Според неа во просек корисниците ги проверуваат смартфоните 85 пати на ден, дури и без размислување дека тоа го прават. Просечниот корисник го користи смартфонот во просек пет часа на ден, или околу една третина од времето во кое е буден, според истражувањето, направено од „Nottingham Trent University found“.
За време на истражувањето 23 лица на возраст меѓу 18 и 33 години биле прашани колку често погледнуваат кон смартфоните и последователно одговорите им биле споредени со нивното вистинско користење. На уредите на испитаниците била инсталирана апликација, која забележувала секој пат кога корисниците го користеле во период од две недели.
Истражувањето доаѓа до заклучок дека луѓето ги користат смартфоните два пати повеќе отколку што мислат дека го прават. Голем дел од користењето било краткотрајно и во рок од 30 секунди.
Како заклучок од истражувањето се доаѓа до тоа дека луѓето имаат многу мала идеја за интензитетот во користењето на мобилните уреди.
