Дуелот против Марија Шарапова, во третото коло на завршниот Мастерс, беше последен во кариерата на Италијанката Флавија Пенета. Италијанката, пред неполни два месеца ја освои титулата на УС Опен и тогаш најави дека по завршувањето на сезоната ќе стави крај на кариерата.
Шарапова славеше над Пенета со 7:6, 6:1 и со максимални три победи ја освои првата позиција во ’Црвената група’. Со максималната победа Шарапова ја повлече во полуфиналето и Агњешка Радванска, која претходно во два сета славеше над минатосезонската финалистка на завршиниот Мастерс, Симона Халеп.
Противничките во полуфиналето Шарапова и Радванска ќе ги дознаат во петок по одигрувањето на натпреварите во ’Белата група’, двојките се Мугуруса-Квитова и Кербер-Шафарова.
Во оваа група Мугуруса има две победи, Кербер и Квитоа имаат по победа и пораз, а Шафарова има два пораза.
