Кошаркарите на МЗТ ја забележаа третата победа во низа, во АБА лигата, откако на домашен терен во исклучително драматичен меч славеа над Цибона со 69:68.
Победникот во „Јане Сандански“ се решаваше во последните 30 секунди, во кои МЗТ влезе со предност од 69:68, откако Хукиќ погоди тројка за Цибона. Потоа домашниот плејмејкер Љубичиќ ги промаши двете слободни фрлања, а Луковиќ го изблокира обидот на Флоренс. Цибона имаше 3,5 секунди за последниот шут, Јоксимовиќ се обиде од аголот но не успеа да погоди.
Дреновац со 18 и Луковиќ со 13 поени го предводеа МЗТ до победата, додека кај Цибона најефикасни беа Жижиќ со 18 и Флоренс со 16 поени.
МЗТ по седум кола има скор од четири победи и три порази и заедно со уште шест други екипи има позитивен скор.
Во наредното коло на 31.октомври МЗТ ќе гостува кај Крка.
