Иако веќе неколку години е далеку од врвен голфер, Тајгер Вудс и натаму е највредниот индивидуален спортски бренд, објави магазинот „Forbes“. Според истиот извор, највреден бренд кај клубовите е Њујорк Јенкис, а највреден спортски настан е НФЛ Супербоул.
Вудс, кој неколку години е далеку од она што преставуваше во голфот во минатото, е највредниот индивидуален спортски бренд. Според „Forbes“, Вудс како спортски бренд вреди 30 милиони долари, шест милиони помалку од минатата година.
Втор на листата е уште еден голфер, Фил Микелсон со 28 милиони долари, а следуваат Леброн Џејмс, Роџер Федерер, Мехендра Синг Дони, Јусеин Болт, Кевин Дурент, Кристијано Роналдо, Рори Мекилрој и Флојд Мејвејдер.
Forbes листата на 10 највредни спортисти:
1. Тајгер Вудс (голф) 30 милиони долари
2. Фил Микелсон (голф) 28 милиони долари
3. Леброн Џејмс (кошарка) 27 милиони долари
4. Роџер Федерер (тенис) 27 милиони долари
5. Мехендра Синг Дони (крикет) 21 милиони долари
6. Јусеин Болт (атлетика) 18 милиони долари
7. Кевин Дурент (кошарка) 18 милиони долари
8. Кристијано Роналдо (фудбал) 16 милиони долари
9. Рори Мекилрој (голф) 12 милиони долари
10. Флојд Мејведер (бокс) 12 милиони долари
Највреден спортски настан е НФЛ Супербоул, кој се проценува на 580 милиони долари, а следуваат Олимписките игри (348 милиони долари), Зимските олимписки игри (285 милиони долари), Светското првенство во фудбал (229 милиони долари).
Највреден бренд меѓу спортските клубови се Њујорк Јенкис (661 милиони долари), а меѓу првите десет се наоѓаат и четири фудбалски клубови од Европа: Реал Мадрид, Манчестер Јунајтед, Барселона и Баерн Минхен.
Forbes листа на 10 највредни спортски клубови:
1. Њујорк Јенкис (САД, бејзбол) 661 милиони долари
2. ЛА Лејкерс (САД, кошарка) 521 милиони долари
3. Далас Каубојс (САД, американски фудбал) 497 милиони долари
4. Њу Ингланд Петриотс (САД, американски фудбал) 465 милиони долари
5. Реал Мадрид (Шпанија, фудбал) 464 милиони долари
6. Манчестер Јунајтед (Англија, фудбал) 446 милиони долари
7. Барселона (Шпанија, фудбал) 437 милиони долари
8. Баерн Минхен (Германија, фудбал) 375 милиони долари
9. ЛА Доџерс (САД, бејзбол) 373 милиони долари
10. Њујорк Никс (САД, кошарка) 361 милиони долари.
