Тајванскиот производител на смартфони „HTC“ објави дека „Apple“ го копира дизајнот на неговите смартфони. Претседателот на „HTC“ за Северна Азија, Џек Тонг најави на прес-конференција дека токму компанијата е творецот на металниот дизајн, а не „Apple“.
Откако го претстави својот нов смартфон „A9“, „HTC“ беше обвинет дека уредот е клон на „iPhone 6“.
„Ние не копираме. Направивме сличен метален дизајн уште во 2013-та година со „HTC One M7“. „Apple“ не копира, така што го користи нашиот дизајн при преглед на антената“, коментира Тонг.
Тој не прецизираше дали „HTC“ планира да поднесе тужба против „Apple“, но за сега нема такви индикации.
И двете компании пропуштаат трети учесник во овој спор. Уште во 2012-та година „Samsung“ го пушти смартфонот „Ativ S“, кој исто така има доста елементи, кои се гледаат во најновите мобилни телефони.
Копирањето на елементи и слични идеи во дизајнот е неизбежен феномен во оваа индустрија.
Пред неколку години Стив Џобс изјави: „Пикасо рекол дека најдобрите уметници копираат, а големите – крадат, и ние секогаш сме биле бесрамни во крадењето на големи идеи“.
Сепак и на него никако не му се допаѓаше кога некој копира или краде од неговата компанија, па дури и најави дека е подготвен на „термонуклеарна војна“, за да го уништи „Android“, кој го дефинираше како „украден производ“.
