Александар Деревен, левиот бек на РК Вардар, ќе мора да го оперира повреденото колено, додека пикерот Стојанче Стоилов, со посебни терапии, ќе го лечи повредениот лигамент на рамото.
Деревен (23), кој во летниот преоден рок пристигна во Вардар од Чеховски Медведи каде играше од 2012-та година, коленото го повреди на мечот со Рајн Некар Ловен (25:19).
Дополнителните прегледи кои на рускиот репрезентативец му биле извршени изминатите денови покажале дека тој ќе мора да биде опериран. Во наредниот период тој ќе има посебни терапии кои всушност ќе бидат подготовка за оперативниот зафат, кој дополнително ќе биде закажан.
Пикерот Стоилов, поради повреденото рамо, исто така ќе работи со посебна терапија и засега не е планирана операција. Стоилов, како што соопшти клубот, во наредните две недели ќе работи под посебен третман и доколку има подобрување тој ќе се врати во тренажниот процес.
