Производителот на пневматици, „Pirelli“, објави дека наредната година ќе започне да тестира „поагресивни“ пневматици, кои во Формула 1 би започнале да се користат од 2017-та година.
Под терминот „поагресивни“ се подразбира дека пеневматиците ќе се трошат многу побргу, што значи дека тимовите ќе треба повеќе да тактизираат и дека ќе има повеќе застанување во пит стоповите.
Дека ќе започнат да работат на новите пневматици од раководството на „Pirelli“ соопштија откако го обновија договорот со Формула 1.