Компанијата „HP“ ја освежи својата понуда на лаптопи „Chrome OS“ со претставувањето на подобрена верзија на „Chromebook 14“.
Новиот лаптоп има поелегантен дизајн од претходниот модел и доаѓа со одличниот нов „Full HD IPS“ екран од 14 инчи. Овој уред доби процесор „Intel Celeron N2840“ со такт од 2,16 GHz, 16 GB интерна меморија и 2 GB RAM.
„Chromebook 14“ е достапен во сребрена и сина боја, неговата дебелина изнесува 17,8 mm, a тежок е 1,78 kg. Од „HP“ тврдат дека батеријата трае девет часа и 15 минути.
Продажбата на овој преносен компјутер ќе стартува за неколку недели. Верзијата со резолуција на екранот од 1920×1080 пиксели ќе чини 279 долари, додека поевтиниот модел со екран кој има резолуција од 1366×768 пиксели ќе биде потребно да се одвојат 249 долари.
