Капитенот на фудбалската репрезентација на Албанија, Лорик Цана, изјави дека мечот на неговата репрезентација и Србија минал во знакот на фудбалот, истакнувајќи дека „се било совршено“ со исклучок на конечниот резултат за неговата екипа.
„Најважно е дека се мина во најдобар ред. На сите им покажавме дека можеме да играме фудбал и дека на нашиот меѓусебен меч ќе преовладува фудбалот, а не некои други работи“, изјави Цана за агенцијата Бета по натпреварот.
Албанија во квалификациите за пласман на ЕП загуби во четвртокот од Србија со 0:2.
Цана потенцирал дека во Елбасан „се било совршено“, а исклучок е само конечниот резултат.
„Резултатот не е добар за нас, но кога ќе го погледнете натпреварот, ние одигравме добро, меѓутоа Србија има искусни фудбалери и тоа го покажа. Знаеја ’да ја нагазат топката’ при 0:0 и потоа да победата во завршницата“, дополни Цана.
Албанија во пресрет на последното коло во групата има 11 бодови е третото место, бод помалку од второпласираната Данска, додека Португалија го обезбеди настапот на ЕП.
Албанците во последното коло гостуваат во Ерменија и само со победа ќе обезбедат пласман на ЕП, во спротивно ќе играат во баражот.