Фудбалскиот репрезентативец на Србија, Немања Матиќ, рекол дека тој и неговите соиграчи не сакале да бидат „кловнови на забавата“ на Албанците и дека неговиот тим заслужено победил.
Србија, во Eлбасан во четвтокот, ја совлада Албанија со головите на Kоларов и Љајиќ постигнати во судиското надополнување на времето.
„Тие славеа и пред да почне натпреварот, а ние не сакавме да бидеме кловнови на нивната забава. На крајот пресуди нашиот квалитет и заслужено победивме“, им изјавил Матиќ на новинарите во Елбасан.
„Не беше воопшто лесно, бевме под голем притисок, тоа беше забележливо на почетокот. Драго ми е што успеавме да ја вратиме верата во нашиот фудбал. Покажавме зрелост, вака треба да продолжиме во иднина“, дополнил фудбалерот на Челзи кој поради повреда предвреме го заврши мечот.