Тренерот на фудбалерите на Реал Мадрид, Рафаел Бенитез, рекол дека Кристијано Роналдо е најдобриот играч во светот, но дека тој нема проблем на накои натпревари да го остави на клупата за резерви.
Бенитез: Мит е дека Роналдо е недопирлив
„Мит е дека Роналдо е недопирлив. Разговарам со Кристијано секојдневно, ќе добие одмор кога тоа ќе му биде потребно. Тој е секогаш на теренот, бидејќи секогаш влегува во шанси и постигнува голови, но јас нема да имам проблем да го оставам на клупата“, рекол Бенитес за радиото Кадена СЕР.
Роналдо е еден од тројцата играчи на Реал, покрај голманот Кејлор Навас и левиот бек Марсело, кој од почетокот на сезоната не пропуштил ниту еден натпревар.
„Кристијано е голем професионалец и неверојатен фудбалер. Воопшто не ми е тешко да го трениерам. Нашиот однос од ден на ден е сé подобар и подобар. За мене тој е најдобриот фудбалер на светот“, рекол Бенитез.
Во досегашниот дел од сезоната португалскиот репрезентативец одиграл девет натпревари и постигнал десет голови.